ⲇⲟⲝⲟⲗⲟⲅⲓⲁ ⲏⲭⲟⲥ ⲃⲁⲧⲟⲥ ϯⲁⲅⲓⲁ ⲙⲁⲣⲓⲁ ϯⲣⲉⲙⲛ̀ⲭⲏⲙⲓ
ϧⲉⲛ ⲡϣⲁϥⲉ ⲛ̀ϯϩⲉⲗⲡⲓⲥ
ⲟⲩⲥϩⲓⲙⲓ ⲥⲓⲱⲥ ⲙ̀ⲙⲟⲥ
ⲁⲡⲁ ⲍⲱⲥⲓⲙⲁⲥ ⲡⲉϫⲁϥ
ϫⲉⲁϧⲟ ⲧⲉⲫⲱⲧ ⲛ̀ⲧⲟⲧⲧ
ⲁⲥⲉⲣⲟⲩⲱ ⲉⲥϫⲱⲙ̀ⲙⲟⲥ
ϫⲉⲙⲟⲓ ⲛⲏⲓ ⲙ̀ⲡⲉⲕϩⲃⲱⲥ
ⲧⲟⲧⲉ ⲁⲩϣⲗⲏⲗ ⲉⲩⲥⲟⲡ
ⲙⲉⲛⲉⲛⲥⲱⲥ ⲁⲥϫⲱⲙ̀ⲙⲟⲥ
ϫⲉⲁⲓⲭⲁ ⲛⲁⲓⲟϯ ⲛ̀ⲥⲱⲓ
ⲁⲓⲥⲱⲣⲉⲙ ϧⲉⲛⲡⲁⲡⲁⲑⲟⲥ
ⲁⲓϥⲟϫⲓⲇⲉ ⲉⲟⲩϫⲟⲓ
ⲁⲓⲓ̀ ⲉⲓⲉⲣⲟⲩⲥⲁⲗⲏⲙ
ⲥⲁⲡⲉⲥⲏⲧ ⲙ̀ⲡⲓϩⲓⲕⲱⲛ
ⲛ̀ⲑⲙⲁⲩ ⲙ̀ⲡⲓⲭⲣⲓⲥⲧⲟⲥ
ⲁⲓⲉⲣⲙⲉⲧⲁⲛⲟⲓⲛ ⲙ̀ⲙⲁⲩ
ⲁⲓⲓ̀ ⲉⲡⲓⲓⲟⲣⲇⲁⲛⲏⲥ
ⲁⲥⲉⲛⲕⲟⲧ ϧⲉⲛϯϩⲉⲗⲡⲓⲥ
ⲡⲉⲥⲃⲓⲟⲥ ⲥⲟⲗⲥⲉⲗ ⲙ̀ⲙⲟⲛ
ⲭⲉⲣⲉ ϯⲣⲉⲙⲛ̀ⲭⲏⲙⲓ
ⲙⲁⲣⲓⲁ ϯⲁⲥⲕⲏⲧⲏⲥ
ⲧⲱⲃϩ ⲉϩⲣⲏⲓ ⲉϫⲉⲛ ϯⲃⲱ
ⲛ̀ⲕⲉⲛⲧⲉ ⲛ̀ⲧⲉⲡⲉⲛⲱⲛϧ
ϣⲁⲛⲧⲉⲥⲉⲛⲟⲩⲧⲁϩ ⲉⲃⲟⲗ
ϧⲉⲛⲧⲕⲟⲓ ⲛ̀ⲁⲅⲁⲑⲟⲥ