ⲇⲟⲝⲟⲗⲟⲅⲓⲁ ⲏⲭⲟⲥ ⲃⲁⲧⲟⲥ ⲉⲑⲃⲉ ⲡⲁⲡⲁ ⲁⲃⲃⲁ ⲕⲩⲣⲓⲗⲗⲟⲥ ⲡⲓⲙⲁϩⲋ̄
ⲫⲏⲉⲑⲟⲩⲱϣ ⲉⲉⲣϩⲟⲩⲓⲧ
ⲉϥⲉⲉⲣϧⲁⲉ ⲉⲟⲩⲟⲛ ⲛⲓⲃⲉⲛ
ⲛⲉⲙⲇⲓⲁⲕⲱⲛ ⲛ̀ⲟⲩⲟⲛ ⲛⲓⲃⲉⲛ
ⲕⲁⲧⲁ ⲡⲱⲛϧ ⲙ̀ⲡⲓⲗⲟⲅⲟⲥ
ϧⲉⲛⲡϣⲁϥⲉ ⲛ̀ϣⲓϩⲏⲧ
ⲡⲓⲙⲁ ⲛ̀ϯⲡⲣⲉⲥⲃⲓⲁ
ⲁϥϫⲫⲟ ⲛ̀ϫⲉ ⲡⲓⲃⲏⲃ \
̀̀̀̀ⲛⲟⲩⲁⲛⲁⲭⲱⲣⲓⲧⲏⲥ
ⲁϥⲉⲣⲡⲣⲟⲥⲉⲩⲭⲉⲥⲑⲉ
ϧⲉⲛ ⲡⲓⲃⲏⲃ ⲛ̀ⲥⲏⲟⲩ ⲛⲓⲃⲉⲛ
ⲟⲩⲟϩ ⲙ̀ⲡⲉϥⲉⲣⲁⲛⲕⲁⲕⲓⲛ
ⲉϥⲙⲏⲛ ϧⲉⲛⲟⲩϣⲉⲡϩⲙⲟⲧ
ⲉⲧⲁϥⲉⲣⲟⲩⲱⲓⲛⲓ ⲙ̀ⲙⲁⲩ
ⲁϥⲫⲱⲧ ⲉⲃⲟⲗϩⲁⲡⲱⲟⲩ
ϣⲁ ⲃⲁⲃⲩⲗⲱⲛ ⲛ̀ⲭⲏⲙⲓ
ϧⲉⲛⲟⲩⲁⲛⲁⲙⲟⲙⲩⲗⲟⲥ
ⲁⲩⲧⲁⲩⲟϥ ϩⲓ ⲡⲓⲑⲣⲟⲛⲟⲥ
̀ⲙⲡⲓⲉⲩⲁⲅⲅⲉⲗⲓⲥⲧⲏⲥ
ⲡⲓⲙⲟⲩⲓ ⲛ̀ϩⲩⲙⲉⲣⲟⲥ
ⲙⲁⲣⲕⲟⲥ ⲡⲓⲁⲡⲟⲥⲧⲟⲗⲟⲥ
ⲁⲫⲣⲱⲙⲓ ⲛ̀ⲧⲉ ⲡⲓϣⲗⲏⲗ
ⲧⲁⲩⲉ ⲡⲓⲡⲁⲧⲣⲓⲁⲣⲭⲏⲥ
ⲉⲡⲓⲃⲉⲧⲁⲕⲣⲓⲥⲧⲓⲁⲛ
̀ⲛⲧⲉⲩⲁϩⲓⲇⲟ ⲉⲧϣⲏϣ
ϯⲙⲉⲧⲁⲩⲧⲟⲕⲉⲫⲁⲗⲟⲥ
ⲁⲥⲭⲁ ⲛⲓⲉⲑⲁⲩϣ ⲉⲃⲟⲗ
ϩⲓⲧⲉⲛ ⲡⲓⲡⲁⲧⲣⲓⲁⲣⲭⲏⲥ
ⲁⲃⲟⲩⲛⲉ ⲃⲁⲥⲓⲗⲓⲟⲥ
ⲭⲁⲓⲣⲉ ϯⲙⲉⲧϩⲏⲧ ⲛ̀ⲟⲩⲱⲧ
ⲉⲧⲁⲥⲣⲱⲧ ϩⲓ ⲛⲓⲥⲫⲟⲧⲟⲩ
̀ⲙⲫⲓⲁⲣⲟ ⲛ̀ⲁⲃⲁⲓ
ⲫⲏⲉⲧⲧⲥⲟ ⲛ̀ⲭⲏⲙⲓ ⲟⲛ
ⲁϥⲓ̀ⲛⲓ ⲛ̀ⲛⲓⲗⲉⲓⲯⲁⲛⲟⲛ
̀ⲙⲡⲓⲑⲉⲟⲡⲧⲏⲥ ⲙⲁⲣⲕⲟⲥ
ⲡⲁⲗⲓⲛ ⲟⲛ ⲁϥϩⲓⲥⲉⲛϯ
̀ⲛⲟⲩⲙⲁⲙⲡⲁⲧⲣⲓⲁⲣⲭⲏⲥ
ⲧⲱⲃϩ ⲙ̀ⲡ⳪̅ ⲉϩⲣⲏⲓ ⲉϫⲱⲛ
ⲡⲁⲡⲁ ⲕⲩⲣⲓⲗⲗⲟⲥ ⲡⲓⲙⲁϩⲥⲟⲟⲩ
ⲛⲁϩⲣⲉⲛ ⲡⲉⲛ⳪̅ ⲓⲏ̅ⲥ̅ ⲡⲭ̅ⲥ̅
̀ⲛⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉⲃⲟⲗ